“ეს დამატებითი აქცია, ვფიქრობ, უფრო კარგ სამსახურს გაუწევს ჩვენს მომხმარებლებს და კიდევ უფრო დაბალ ფასებად შეუძლიათ შეიძინონ ეს პროდუქტები. ფასდაკლებები იწყება 20%-დან და, მაქსიმუმ, შესაძლებელია იყოს 40%-ის ფარგლებში”, – განაცხადა “დეილი ჯგუფის” კომერციულმა დირექტორმა მიხეილ ზამბახიძემ “სასურსათო კალათაზე” საუბრისას.
“ამ პროდუქტებში, ძირითადად, იგულისხმება ბურღული, რძეი, გაყინული ხორცპროდუქტები, რომლებიც შეადგენს პირველადი მოხმარების კალათას ჩვენი მომხმარებლისთვის. ამიტომ, სოციალურ პასუხისმგებლობას ვუერთდებით“, – აცხადებს მიხეილ ზამბახიძე.
ცნობისთვის: ქსელურ მარკეტებში დღეიდან ფასდაკლებული პროდუქტების სტენდები განთავსდა. კომპანიებში განმარტავენ, რომ მომხმარებელს სოციალურ კალათაში განთავსებული 15 სახეობის პროდუქტის შეძენა შეუძლია. “კარფური”, “სპარი”, “მაგნიტი”, “კალათა”, “უნივერსამი”, “გუდვილი”, “ზღაპარი”, “ნიკორა”, “ლიბრე” და “აგროჰაბი” – კალათის შექმნისა და სასურსათო პროდუქტებზე ფასდაკლების სურვილი ყველა ქსელურმა მარკეტმა გამოთქვა.
