„7 ივლისს, ჩინეთის ელჩმა საქართველოში, ჭოუ ციენმა მისიის დასრულებასთან დაკავშირებული შეხვედრა გამართა საქართველოს ეკონომიკისა და მდგრადი განვითარების მინისტრთან, მარიამ ქვრივიშვილთან. ინფორმაციას საქართველოში ჩინეთის საელჩო ავრცელებს.
„ელჩმა ჭოუ ციენმა მადლობა გადაუხადა მარიამ ქვრივიშვილს და ეკონომიკის სამინისტროს ჩინეთ-საქართველოს თანამშრომლობისადმი დიდი მხარდაჭერისთვის და გამოთქვა რწმენა, რომ ორი ქვეყანა გააგრძელებს თანამშრომლობის გაფართოებას ურთიერთსასარგებლო და ორმხრივად მომგებიანი შედეგების საფუძველზე და ხელს შეუწყობს ყოვლისმომცველ სტრატეგიულ პარტნიორობას უფრო დიდი განვითარების მისაღწევად.
მარიამ ქვრივიშვილმა დადებითად შეაფასა ელჩ ჭოუ ციენის განსაკუთრებული წვლილი საქართველო-ჩინეთის ურთიერთობების განვითარებისა და ეკონომიკური და სავაჭრო თანამშრომლობის ხელშეწყობაში, განსაკუთრებით ყოვლისმომცველი სტრატეგიული პარტნიორობის დამყარებასა და გაღრმავებაში და გამოთქვა მზადყოფნა, ჩინეთთან ერთად შეუწყოს ხელი ორ ქვეყანას შორის პრაქტიკულ თანამშრომლობაში უფრო მეტი ახალი შედეგის მიღწევას, რაც ორივე ერისთვის კეთილდღეობის მომტანი იქნება“, – აღნიშნულია საქართველოში ჩინეთის საელჩოს მიერ გამოქვეყნებულ ინფორმაციაში.
