“გუშინ მომხდარ მკვლელობაში ბრალდებული კაპანაძე, გავრცელებული ინფორმაციით, პარტია „ლელოს“ აქტიური მხარდამჭერი და აქტივისტია. ამასთან, ჩემი ინფორმაციით, „ლელოს“ ერთ-ერთი ლიდერი გიორგი სიორიძე ბრალდებულის მეჯვარეა”, – წერს ექსპერტი დავით ჩიხელიძე სოციალურ ქსელში.
„ბატონო გიორგი, საზოგადოება თქვენგან მკაფიო პოზიციას ელის! მინიმუმ, საჯაროდ დაგმეთ მკვლელობის ეს ამაზრზენი ფაქტი და აჩვენეთ საზოგადოებას, რომ პირადი კავშირები კანონსა და მორალზე მაღლა არ დგას. სწორედ, მეგობრებისა და ახლობლების დუმილი აძლიერებს დაუსჯელობის განცდას და ახალისებს კრიმინალს.
მკვლელობასთან მიმართებით ნეიტრალიტეტი არ არსებობს.
ასეთ დროს დუმილი საზოგადოების მიერ აღიქმება, როგორც მორალური თანხმობა.
მეგობრობა, ნათესაობა თუ სხვა პირადი ურთიერთობა ვერასდროს იქნება მკვლელის გამართლების ან მისგან დისტანცირებისა და თავის არიდების საფუძველი“, – წერს ჩიხელიძე.
