LIVE
ახალი ამბები

ევროკავშირის ქვეყნებიდან და დიდი ბრიტანეთიდან საქართველოში 9 თვეში საერთაშორისო ვიზიტებისა და შემოსავლების რეკორდული რაოდენობა დაფიქსირდა

2026 წლის იანვარ-სექტემბრის მონაცემებით, ევროკავშირის ქვეყნებიდან და დიდი ბრიტანეთიდან საქართველოში რეკორდულად მაღალი, 473,620 ვიზიტი დაფიქსირდა. ზრდა გასული წლის 3 კვარტალთან შედარებით +20.1%-ია.

აღსანიშნავია, რომ იანვარ-სექტემბრის პერიოდში ევროკავშირის 27-ვე წევრი ქვეყნიდან საქართველოში მოგზაურთა ვიზიტების ზრდა ფიქსირდება.

ვიზიტების რაოდენობასთან ერთად, რეკორდული მაჩვენებელი აღირიცხება შემოსავლებშიც ევროკავშირის ქვეყნებიდან და დიდი ბრიტანეთიდან. 9 თვეში საქართველომ ყველაზე მეტი შემოსავალი, 665.4 მილიონი აშშ დოლარი ევროკავშირის ქვეყნებიდან და დიდი ბრიტანეთიდან მიიღო, რაც +29.1%-ით (+150.1 მილიონი აშშ დოლარით) მეტია გასული წლის ანალოგიურ პერიოდთან შედარებით.

მესამე კვარტალში ევროკავშირის ქვეყნებიდან და დიდი ბრიტანეთიდან რეკორდულად მაღალი შემოსავალი აღირიცხა – 310.2 მილიონი აშშ დოლარი, რაც +30.2%-ით (+72 მილიონი აშშ დოლარით) მეტია გასული წლის ანალოგიურ პერიოდთან შედარებით.

მესამე კვარტალში, ივლისი-სექტემბრის პერიოდში ევროკავშირის ქვეყნებიდან და დიდი ბრიტანეთიდან საქართველოში საერთაშორისო ვიზიტების ისტორიული მაქსიმუმი აღირიცხა, რამაც 224,419 ვიზიტი შეადგინა. ზრდა 2025 წლის ანალოგიურ პერიოდთან შედარებით +16.6%-ს შეადგენს.

ტურისტების ზრდით გამოირჩევა ევროპის შემდეგი ქვეყნები:

დანია: +56.5%

ლიეტუვა: +46.8%

კვიპროსი: +45.2%

სლოვაკეთი: +26.3%

ლატვია: +25.6%

რუმინეთი: +23.3%

იტალია: +22.7%

ფინეთი: +21.3%

ირლანდია: +20.9%

ნიდერლანდები: +20.1%

ესტონეთი: +19.9%

გაერთიანებული სამეფო: +18.2%

საფრანგეთი: +18.2%

ბულგარეთი: +17.5%

გერმანია: +16.8%

ბელგია: +16%

ჩეხეთი: +15.6%

პოლონეთი: +14%

უნგრეთი: +12.5%

შვედეთი: +11.1%

ესპანეთი: +7.9%

2026 წლის იანვარ-სექტემბრის პერიოდში საქართველოში 6,112,078 საერთაშორისო მოგზაურის ვიზიტი შედგა, რაც 2025 წლის ანალოგიურ პერიოდთან შედარებით +0.04%-ით, +2,323 ვიზიტით მეტია.

9 თვეში ტურისტული ვიზიტების რეკორდულად მაღალი მაჩვენებელი აღირიცხა: საქართველოში 4,404,872 საერთაშორისო ტურისტული ვიზიტი შედგა, რაც +2.3%-ით, +97,778 ვიზიტით მეტია გასული წლის ანალოგიურ პერიოდთან შედარებით.

ინფორმაციას ტურიზმის ეროვნული ადმინისტრაცია ავრცელებს.

დაკავშირებული ამბები

ირაკლი კობახიძე: “ჩვენი სურვილია, რომ სარჩელი საკონსტიტუციო სასამართლოში სრულად დაკმაყოფილდეს. ოპოზიციას ჰქონდა შეგნებული, რომ მოქმედებდა კონსტიტუციური წყობილების წინააღმდეგ, მათ შორის, ძალადობრივ ფორმებს იყენებდნენ კონსტიტუციური წყობილების დასამხობად”

პრემიერ-მინისტრი: „ცალსახა ორმაგი სტანდარტია: არა მარტო საფრანგეთთან, ალბანეთთან მიმართებითაც კი ევროპელი ბიუროკრატები არა ხელისუფლებას მოუწოდებენ კონკრეტული ნაბიჯების გადადგმისკენ, არამედ მომიტინგეებს მოუწოდებენ, რომ თავი შეიკავონ კონკრეტული ქმედებებისგან. საქართველოში პირიქით – ისინი აქეზებდნენ ხოლმე, მათ შორის, მოძალადე მომიტინგეებს და უამრავი სიყალბე იყო. მოძალადეებს აცხადებდნენ მშვიდობიან მომიტინგეებად“

ირაკლი კობახიძე: “საქართველოს ეკონომიკის განვითარების კორპორაცია მხარს დაუჭერს როგორც მცირე და საშუალო საწარმოებს, ისე მსხვილ, სტრატეგიული მნიშვნელობის პროექტებსაც. ჩვენი პრიორიტეტია, თითოეულმა მეწარმემ იგრძნოს სახელმწიფოს მუდმივი მხარდაჭერა ბიზნესის დაწყებიდან ადგილობრივ თუ საერთაშორისო ბაზარზე გასვლამდე”