ზაალ ანჯაფარიძე EPC-ის სამიტზე ირაკლი კობახიძის დასწრებაზე: „ფოტო სწორედ Euronews საიტიდან არის. არადა რამდენიმე დღის წინ, სწორედ Euronews-ის (ჟ)ურნალისტი ეუბნებოდა ირაკლი კობახიძეს, ევროპის ბევრ ლიდერს შენთან სურათის გადაღება არ სურსო“
ანალიტიკოსი ზაალ ანჯაფარიძე ევროპული პოლიტიკური გაერთიანების (EPC) მე-9 სამიტზე პრემიერ-მინისტრის, ირაკლი კობახიძის მონაწილეობას და გავრცელებულ ფოტოს ეხმიანება.
როგორც ანჯაფარიძე აღნიშნავს, ფოტოზე, რომელზეც სხვა ქვეყნის ლიდერებთან ერთად საქართველოს პრემიერიც არის, სწორედ გამოცემა Euronews-ის საიტიდანაა, რაც, მისივე თქმით, ეწინააღმდეგება იმავე მედიის წარმომადგენლის მიერ რამდენიმე დღის გაკეთებულ განცხადებას.
კერძოდ, ანჯაფარიძე იხსენებს პრემიერის ინტერვიუს Euronews-თან, რა დროსაც ჟურნალისტმა მიუთითა, რომ მასთან ფოტოს გადაღება არავის სურს.
„ეს ფოტო სწორედ Euronews საიტიდან არის. არადა რამდენიმე დღის წინ, სწორედ Euronews-ის (ჟ)ურნალისტი ეუბნებოდა ირაკლი კობახიძეს, ევროპის ბევრ ლიდერს შენთან სურათის გადაღება არ სურთო. საინტერესოა ახლა რას იტყვის…- წერს ანჯაფარიძე.
