“ეს დღე საქართველოს ისტორიაში ერთ–ერთი უმძიმესი და ტრაგიკულია – საქართველოსპირველი რესპუბლიკის მარცხი საბჭოთა რეჟიმთან და ქართული სახელმწიფოს ოკუპაცია“, – წერს საქართველოს პარლამენტის თავმჯდომარე შალვა პაპუაშვილი საბჭოთა ოკუპაციის დღესთან დაკავშირებით “ფეისბუკის” ოფიციალურ გვერდზე.
“მიუხედავად ქართველ პატრიოტთა დიდი ძალისხმევისა, მაშინდელმა ახლადშექმნილმარესპუბლიკამ ვერ შეძლო გამკლავებოდა ბოროტ ძალას, რომელმაც ჩვენ ქვეყანას მოუსპოგანვითარების და თავისუფლების პერსპექტივა.
ოკუპაცია დღესაც გრძელდება. დამოუკიდებლობის აღდგენის შემდეგ საქართველოს კვლავმოუხდა უთანასწორო ბრძოლაში შესვლა. დღესაც ჩვენი სახელმწიფოს ძირძველი ნაწილიოკუპირებულია.
განსხვავებით გასული საუკუნის 20-იანი წლებისა, დღეს ჩვენ გაცილებით ძლიერი, სუვერენული და თავდაჯერებულები ვართ. ჩვენ შეგვწევს ძალა და გვაქვს მიზანი, რომდავასრულოთ ოკუპაცია, გავამთლიანოთ ქვეყანა და კიდევ უფრო განვამტკიცოთ ქართულისახელმწიფოს სუვერენიტეტი“, – აღნიშნავს პაპუაშვილი.
