„საქართველომ კიდევ უფრო განიმტკიცა ლიდერის პოზიცია ევროპაში. ფონდ “ჰერითიჯის” 2024 წლის ეკონომიკური თავისუფლების რეიტინგში საქართველომ კვლავ გაიუმჯობესა შედეგები და მთავრობის კეთილსინდისიერების მაჩვენებლით 38-ე ადგილი დაიკავა“, – წერს სოციალურ ქსელში პარლამენტის თავმჯდომარე შალვა პაპუაშვილი.
„ამ რეიტინგით საქართველო პირველადაა ევროპის საუკეთესო ოცეულში და უსწრებს ევროკავშირის წევრ 11, ნატო-ს წევრ 13 და ევროკავშირის კანდიდატ ყველა ქვეყანას.
შედარებისთვის, 2012 წელს საქართველო 69-ე ადგილზე იყო და ე.წ. რეპრესიული მმართველობის ზონას მიეკუთვნებოდა.
აღნიშნული რეიტინგი ითვალისწინებს ისეთ ფაქტორებს, როგორებიცაა ქრთამის, გამოძალვის, ნეპოტიზმის, მფარველობისა და გაფლანგვის სიმცირე“, – აღნიშნავს პაპუაშვილი.
