“ჩვენ ყოველთვის ვსაუბრობდით იმაზე, რომ ყველა სახელმწიფო ამოდის საკუთარი ეროვნული ინტერესებიდან. ასეთია თანამედროვე პოლიტიკა, და არა მარტო თანამედროვე პოლიტიკა”, – განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.
„ყველა სახელმწიფო ამოდის საკუთარი ინტერესებიდან, შესაბამისად, აბსოლუტურად ლოგიკურია ის, რომ დღეს ახალი ადმინისტრაცია იწყებს საუბარს ურთიერთობების გადახედვაზე, მათ შორის, რუსეთთან.
ეროვნული ინტერესები არის განმსაზღვრელი ნებისმიერი სახელმწიფოსთვის და ამას მოვუწოდებდით ყველას, მთელ საზოგადოებას, რომ პრაგმატულად შეეხედათ მოვლენებისთვის. დღევანდელი პროცესები აჩვენებს იმას, რომ პრაგმატულ მიდგომას ალტერნატივა არ აქვს“, – განაცხადა ირაკლი კობახიძემ.
