“როგორც ჩანს, ახლანდელი მდგომარეობით, სახდეპი არ ენდობა ამ გაერთიანებას, რომელიც დღეს არსებობს. ეს ამას ნიშნავს, მეტს არაფერს”, – ასე აფასებს ილიაუნის ლექტორი გიგი თევზაძე აშშ-ის სახელმწიფო დეპარტამენტის დელეგაციის განცხადებას, რომელიც ამერიკის საელჩომ გაავრცელა.
„ძალიან დიდი ხანია, ვამბობ და ვამბობდი სულ, რომ რა თქმა უნდა, ამერიკის სტრატეგიულ ინტერესში არის საქართველოს ხელისუფლებასთან ურთიერთობა. ბოლოს, იმ ვითარებამდე მოვედით, რომ ოპოზიციამ იმდენად ვერ გააგებინა აშშ-სა და სახდეპს, რა უნდა, რომ ესენი იძულებული გახდნენ, რომ ჩამოვიდნენ და ილაპარაკონ, რომ ოპოზიცია უნდა შევიდეს პარლამენტში. ფაქტობრივად, ეს ამას ნიშნავდა – რა თქმა უნდა, თავისი გაფრთხილებებით მეორე მხარის მიმართ.
თუმცა, იმისთვის, ვინც ელოდა, რომ ამერიკის შეერთებული შტატებიდან თითებს დაუქნევდნენ, დააბაკუნებდნენ – არ აქვთ მათ იმის დრო, რომ საქართველოში კიდევ ერთი დაპირისპირების ცენტრი გახსნან.
საბოლოოდ, ასე ჩანს: მოდი, რაღაცნაირად მოვილაპარაკოთ; მოდი, ვაიძულოთ, არჩევნები ისე ჩატარდეს, რომ ოპოზიციის ნაწილი მაინც შევიდეს პარლამენტში და მერე ვნახოთ. იმიტომ, რომ მათ [აშშ-ს] აშკარად სჭირდებათ ვიღაცები, ვისთანაც დაილაპარაკებენ და ეს ვიღაცები იქნებიან ხალხის მიერ არჩეულები. იმედი მაქვს, რომ ამ შემთხვევაში, ისინი შეეცდებიან, არჩევნებზე ზეგავლენა მოახდინონ, ანუ გააკონტროლონ და გაყალბება არ დაუშვან. ვფიქრობ, რუბიოს ხალხი ასე ფიქრობს დღეს, რომ ასე უნდა მოხდეს“, – აცხადებს გიგი თევზაძე.
