“საქართველოს მიზანი უცვლელია – ჩვენი ტერიტორიების მშვიდობიანი დეოკუპაცია და უსაფრთხო, ინკლუზიური და მდგრადი საცხოვრებელი გარემოს შექმნა ყველა მოქალაქისთვის, მათ შორის, იმ ადამიანებისთვის, რომლებმაც კონფლიქტების შედეგად საკუთარი სახლები და მშობლიური კუთხეები დაკარგეს”, – განაცხადა “ქართული ოცნების” ახალგაზრდული ორგანიზაციის თავმჯდომარემ ვარლამ ლიპარტელიანმა აზერბაიჯანის ქალაქ შუშაში გამართულ საერთაშორისო კონფერენციაზე.
“სწორედ ამიტომ, თანამედროვე ურბანული დაგეგმარება საქართველოსთვის არა მხოლოდ სივრცითი განვითარების, არამედ მშვიდობის მშენებლობის ერთ-ერთ მნიშვნელოვან ინსტრუმენტად გვევლინება”, – განაცხადა ლიპარტელიანმა.
ცნობისთვის: “ქართული ოცნების” ახალგაზრდული ორგანიზაციის ლიდერი და ბორდის წევრები, აზერბაიჯანის მმართველი პარტიის – “ახალი აზერბაიჯანის” ახალგაზრდული ორგანიზაციის მიწვევით, მონაწილეობას იღებენ საერთაშორისო კონფერენციაში სახელწოდებით “რეგიონული წვლილი გლობალურ უსაფრთხოებაში – მშვიდობის მშენებლობა სამხრეთ კავკასიაში”.
