„ეუთო-ს რეზოლუცია არის ტიპური მაგალითი დეზინფორმაციული ნარატივების შექმნისა. ჯო უილსონი და სხვა ევროპელი ანტიქართველები არიან ჩართული ამგვარი ტექსტების შეთხზვაში, რომელიც არის პირდაპირ სიყალბე, დეზინფორმაცია, რომელსაც ავრცელებენ ეუთო-ს საპარლამენტო ასამბლეის ხელით“, – განაცხადა პარლამენტის თავმჯდომარე შალვა პაპუაშვილმა ეუთო-ს საპარლამენტო ასამბლეის მიერ მიღებულ რეზოლუციაზე.
„საერთაშორისო წესებზე დაფუძნებული საერთაშორისო წესრიგი რომ მოირღვა, ამაში მხოლოდ რუსეთის წვლილი არ არის. სწორედ ასეთი ასამბლეების წვლილიც არის – კერძოდ, ამ შემთხვევაში ეუთოს საპარლამენტო ასამბლეა, რომელმაც ხაზი გადაუსვა საერთოდ საერთაშორისო სამართალს, სამართლის ძირითად პრინციპებს და, რუსეთის მსგავსად, იქცა საერთაშორისო წესებზე დაფუძნებული საერთაშორისო წესრიგისთვის ძირის გამომთხრელად“, – განაცხადა შალვა პაპუაშვილმა.
