“თუ ვინმემ რამე უნდა შეახსენოს მათ, ჩვენი საზოგადოება და ჩვენი გუნდი ყოველთვის შეახსენებს, თუ სად იყვნენ, საიდან მოდიან და როგორ ბინძურ პოლიტიკას ემსახურება ეს აგენტურა.
სახეცვლილება ვნახეთ – რას აკეთებდნენ, როგორ იქცეოდნენ რუსეთთან მიმართებით და როგორ იქცეოდნენ შემდეგ, რუსეთ-უკრაინის ომის დროს”, – განაცხადა საპარლამენტო უმრავლესობის ლიდერმა ირაკლი კირცხალიამ ოპოზიციაზე საუბრისას.
„ჩვენ ავირჩიეთ მშვიდობაზე დაფუძნებული პოლიტიკა, რომელიც პირდაპირ კონვერტირდება ეკონომიკურ წინსვლაში.
ჩვენ უნდა გადაგვეკეტა ეკონომიკური თუ არაეკონომიკური ურთიერთობა – ეს იქნებოდა სავიზო რეჟიმი თუ ა.შ. რუსეთის ფედერაციასთან. უხეში დათვლით, 1%-საც ვერ ვეხებოდით რუსეთის ეკონომიკის და ჩვენი ეკონომიკა, ალბათ, -14%, -16%-ში უნდა გასულიყო და ჩვენი ქვეყანა გამხდარიყო ეკონომიკურად მოწყვლადი.
და რატომ იყო ეს დავალება წამოსული და რატომ აკეთებდნენ ყველაფერს, რომ ჩვენ ეკონომიკურად მოწყვლადი ვყოფილიყავით? – იმიტომ, რომ ის ქვეყანა, რომელიც არის ეკონომიკურად მოწყვლადი; ის ხალხი, ის საზოგადოება, რომელიც არის ეკონომიკურად მოწყვლადი, შემდეგ, თავიანთი ჭკუით არის ძალიან მარტივი სამართავი. მათ არ იციან საქართველოს ისტორია; მათ არ იციან ქართველი საზოგადოების ხასიათი და ეს ფუჭი მცდელობები მათი მისამართით კონტრპროდუქტიულად მუშაობდა და მუშაობს.
თითოეული მათი ბრალდება არის მხოლოდ და მხოლოდ სიცრუეზე, უტიფარ ტყუილზე დაფუძნებული“, – განაცხადა ირაკლი კირცხალიამ.
