ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი თამარ კინწურაშვილის ირონიულ გამოხმაურებას პასუხობს. საქმე ეხება დეპუტატის მანამდე გაკეთებულ განცხადებას, რომ „BBC-მ ვერ მოატყუა საზოგადოება და გასაკვირია, რატომ ფიქრობს „ასავალ-დასავალი“, რომ შეძლებს მოქალაქეების მოტყუებას”.
„ქალბატონო თამარ, არ არის საჭირო პირის ღრუს დაბინძურება. შეგიძლიათ, უფრო კორექტულად ჩამოაყალიბოთ ხოლმე თქვენი აზრი.
მსურს, საზოგადოებას შევახსენო თქვენი ბიოგრაფია:
• „ნაცების“ დროს საზოგადოებრივი მაუწყებლის გენერალური დირექტორი;
• „ნაცების“ დროს სააკაშვილის მრჩეველი;
• „ნაცების“ დროს ბოკერიას მოადგილე.
ამ უკიდურესად „ნაცური“ წარსულის გათვალისწინებით, ვფიქრობ, რომ მინიმუმ, ამორალურია თქვენი მხრიდან “ფეისბუკზე” გავრცელებული ინფორმაციის ფაქტობრივი სისწორის გადამოწმება”, – წერს ლევან მაჭავარიანი.
