შალვა პაპუაშვილი: “ცხადდება საპენსიო ფონდში შენატანების გადაუხდელობისთვის დაკისრებული და გადაუხდელი ჯარიმების ამნისტია – 13 500 დამსაქმებელს ჩამოეწერება ჯამურად 43 მილიონი ლარის ჯარიმა, თუ საპენსიო დავალიანებასა და დარიცხულ სარგებელს 2026 წლის ბოლომდე სრულად დაფარავს”.
დაგროვებითი პენსიის შესახებ საკანონმდებლო პაკეტი მოიცავს ხუთ ძირითად ცვლილებას:
1.გამოცხადდება გადაუხდელი ჯარიმების ამნისტია: 13 500 დამსაქმებელს ჩამოეწერება ჯამურად 43 მილიონი ლარის ჯარიმა, თუ საპენსიო დავალიანებასა და დარიცხულ სარგებელს 2026 წლის ბოლომდე სრულად დაფარავს;
2.მცირდება ჯარიმის ოდენობა: პირველ და განმეორებით შემთხვევებში 500 და 1000 ლარის ნაცვლად, ჯარიმის ოდენობა იქნება 300 ლარი;
3.საპენსიო ფონდში შეიქმნება დავების განხილვის სამსახური, რაც საკითხის სასამართლომდე განხილვას უზრუნველყოფს;
4.შესაძლებელი გახდება საპენსიო შენატანისა და დარიცხული სარგებლის ეტაპობრივი გადახდა 18 თვემდე ვადით;
5.დაზუსტდება ჯარიმის ჩაბარებისა და გასაჩივრების წესი. შენატანის 10 დღეში დაფარვის შემთხვევაში ჯარიმა გაუქმდება, ხოლო გასაჩივრებისას აღსრულება შეჩერდება.
