„ილაპარაკოს, რაც უნდა – ეს არის ნებისმიერი პატიმრის უფლება. საქართველოში დემოკრატია, სიტყვის თავისუფლება არის უზრუნველყოფილი. ყველა პატიმარს აქვს საუბრის უფლება. ეს არის დემოკრატიის ნაწილი. შეგიძლიათ, თუ რაიმე გაინტერესებთ, დაელოდოთ“, – განაცხადა პრემიერ-მინისტრმა ირაკლი კობახიძემ ჟურნალისტის კითხვის პასუხად სუს-ის ყოფილი ხელმძღვანელის, გრიგოლ ლილუაშვილის შესახებ.
„იცით, რომ იყო არაერთი შემთხვევა, როდესაც სხვადასხვა ბრალდებით, ძირითადად ეს იყო კორუფციული ბრალდებები, კონკრეტული თანამდებობის პირები აღმოჩნდნენ საპატიმროში, რაც ძალიან სამწუხარო მოვლენაა. მათ სცადეს რაღაცების ლაპარაკი, თუმცა იმდენად სუფთად მუშაობს ჩვენი ხელისუფლება, რომ ამ ლაპარაკებს არასდროს არ მოჰყოლია რაიმე შედეგი. ვერაფერი თქვეს ხელისუფლებაზე, იმდენად სუფთაა ჩვენი საქმიანობა და მისი წესები. მათ შორის ღარიბაშვილს ვგულისხმობთ, წარსულშიც გახსოვთ, არაერთი, მათ შორის სახელმწიფო უსაფრთხოების სისტემის ყოფილი წარმომადგენელი, რომელსაც რაღაცების ლაპარაკი დაუწყია, თუმცა იმდენად სუფთად მუშაობს ჩვენი ხელისუფლება, რომ ასეთ საუბრებს, სპეკულაციებს არასდროს არ აქვს ხოლმე რაიმე შედეგი“, – განაცხადა ირაკლი კობახიძემ.
