ირაკლი კობახიძე: „აბსოლუტურად დისკრედიტირებულია ოპოზიციის ნაწილი, რომელიც, სინამდვილეში, არ არის ოპოზიცია და არის უცხოური აგენტურა. ყველა ნაბიჯი უნდა გადაიდგას იმისათვის, რომ საქართველოში გაჯანსაღდეს პოლიტიკური სპექტრი და საკონსტიტუციო სასამართლოში წამოწყებული პროცესი ამ მიმართულებით გადადგმული მნიშვნელოვანი ნაბიჯია“

„როდესაც ხალხს არ ელაპარაკები და გამუდმებით ელაპარაკები უცხოურ ძალებს, საკუთარ პატრონებს ქვეყნის გარეთ, რა თქმა უნდა, ასეთ დროს კარგავ საზოგადოების ნდობას. იმ ნაწილის ნდობასაც კი, რომელიც მანამდე გენდობოდა. აბსოლუტურად დისკრედიტირებულია ოპოზიციის ეს ნაწილი, რომელიც, სინამდვილეში, არ არის ოპოზიცია და არის უცხოური აგენტურა“, – განაცხადა პრემიერ-მინისტრმა ირაკლი კობახიძემ.

„არანაირი მხარდაჭერა მათ არ აქვთ ხალხში, შესაბამისად, ყველა ნაბიჯი უნდა გადაიდგას იმისათვის, რომ საქართველოში გაჯანსაღდეს პოლიტიკური სპექტრი, დემოკრატიული სისტემა და ეს პროცესი, რომელიც არის წამოწყებული საკონსტიტუციო სასამართლოში, არის ამ მიმართულებით გადადგმული ძალიან მნიშვნელოვანი ნაბიჯი“, – განაცხადა ირაკლი კობახიძემ.