ირაკლი ქადაგიშვილი: „ალდეს“ რომ წარვუდგინოთ იმ ქმედებათა სია, რასაც „ნაცმოძრაობას“ ვედავებით – ისე, რომ ქვეყანა და პარტიები მითითებული არ იყოს – იტყვიან: „ეს დემოკრატიის ძირის გამოთხრა და სამართლებრივი სახელმწიფოს წინააღმდეგ მიმართული პოლიტიკური ტერორიაო“. თუმცა, როგორც კი გაიგებენ, რომ მათ კლიენტურაზეა საუბარი, მაშინვე აზრს შეიცვლიან“

„ალდეს“ რომ წარვუდგინოთ იმ ქმედებათა სია, რასაც „ნაცმოძრაობას“ ვედავებით – ისე, რომ ქვეყანა და პარტიები მითითებული არ იყოს – იტყვიან: „ეს დემოკრატიის ძირის გამოთხრა და სამართლებრივი სახელმწიფოს წინააღმდეგ მიმართული პოლიტიკური ტერორიაო“. თუმცა, როგორც კი გაიგებენ, რომ მათ კლიენტურაზეა საუბარი, მაშინვე აზრს შეიცვლიან“, – ამის შესახებ რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა საკონსტიტუციო სარჩელთან დაკავშირებით „ალდეს“ მიერ გაკეთებულ განცხადებაზე საუბრისას განაცხადა.

„ალდე“ ევროპის ლიბერალურ პარტიათა გაერთიანებაა, რომელმაც ეს პროცესი დემოკრატიულ უკუსვლად შეაფასა. აი, ახლა რომ წარვუდგინოთ „ალდეს“ იმ ქმედებათა სია, რასაც „ნაცმოძრაობას“ ვედავებით – ოღონდ ისე, რომ არ ეწეროს, რომელი ქვეყანა და რომელი პარტიებია – როგორ გგონიათ, როგორი იქნება მათი რეაქცია? იტყვიან ისეთ რამეს, თითქოს დემოკრატიის სამაგიდო წიგნიდან იყოს ამოწერილი: „ამათი ქმედებები ჯერ ხელისუფლების დროს და შემდეგ ოპოზიციაში არის დემოკრატიის ძირის გამოთხრა და სამართლებრივი სახელმწიფოსა და დემოკრატიის წინააღმდეგ მიმართული პოლიტიკური ტერორიო“. მაგრამ როცა უკვე გაიგებენ, რომ მათ კლიენტურაზეა საუბარი, მაშინვე აზრს შეიცვლიან“, – განაცხადა ირაკლი ქადაგიშვილმა.