შალვა პაპუაშვილი ოპოზიციის ალიანსის შესახებ: „ლოგოს და სიმბოლოებს არ აქვს მნიშვნელობა – მათი გენეტიკური კოდია „ნაციონალური მოძრაობა“

„ლოგოდან ამოიღეს [„ნაციონალური მოძრაობა“], მაგრამ გულიდან ვერ ამოიღებენ, ვინაიდან ეს არის კოლექტიური „ნაციონალური მოძრაობა“ და ლოგოს და სიმბოლოებს არ აქვს მნიშვნელობა“, – განაცხადა პარლამენტის თავმჯდომარე შალვა პაპუაშვილმა ჟურნალისტის კითხვის პასუხად.

„გვარამია, ბოკერია არ არიან “ნაცები”? ან ჯაფარიძე?! ისინი იყვნენ არათუ რიგითი წევრები, არამედ ამ პარტიის ლიდერები. მათი გენეტიკური კოდია “ნაციონალური მოძრაობა”. სპექტაკლი, რასაც დგამენ, თითქოს, სხვადასხვა პარტიაა და ეს ალიანსი იშლება, ქართველ ხალხს არაერთხელ გვაქვს ნანახი და იმედი მაქვს, რომ ამ სპექტაკლს მალე წერტილს დაუსვამს საკონსტიტუციო სასამართლო, სადაც ამას ვამტკიცებთ – რომ ეს არის “ნაციონალური მოძრაობის” ერთიანი ორგანიზმი“, – აღნიშნა პაპუაშვილმა.