კახა კალაძე გადასასვლელ ხიდზე ხანძრის შედეგად დაზარალებულების დახმარებაზე: „მქონდა საუბარი პრემიერ-მინისტრთან და მან დაგვავალა, რომ დეტალურად შევისწავლოთ ეს საკითხი. ჩვენ ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ, რაც შეგვიძლია, მაქსიმალურად გვერდით დაგიდგებით“
„ჩვენ ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ, რაც შეგვიძლია, მაქსიმალურად გვერდით დაგიდგებით“, – მიმართა დედაქალაქის მერმა სადგურის მოედანზე გუშინ ხანძრის შედეგად დაზარალებულებს ვიდეომიმართვაში.
როგორც კახა კალაძემ აღნიშნა, ამ საკითხზე პრემიერთან ჰქონდა საუბარი.
„როგორც იცით, გუშინ მოხდა სამწუხარო ფაქტი. სადგურის მოედანზე, გადასავლელ ხიდზე, სადაც ბევრი ადამიანი ეწევა ეკონომიკურ საქმიანობას, გაჩნდა ხანძარი და ბევრი ადამიანისთვის შექმნა პრობლემები. დღეს ამ ადამიანების გარკვეული ჯგუფი მოსული იყო მერიაში და ითხოვდნენ დახმარებას, თუ შეგვიძლია, რაიმე სახით გავუწოდოთ მათ ხელი. მე მქონდა პრემიერ-მინისტრთან საუბარი აღნიშნულ საკითხთან დაკავშირებით და პრემიერმა დაგვავალა, რომ დეტალურად შევისწავლოთ ეს საკითხი.
შესაბამისად, ვიცე-მერი, ბატონი გიორგი ტყემალაძე მზად არის, შეხვდეს საინიციატივო ჯგუფს, ამ ადამიანებს, მოუსმინოს და დავიწყოთ დეტალური მოკვლევა. ჩვენ ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ, რაც შეგვიძლია, მაქსიმალურად გვერდით დაგიდგებით და ვიქნებით თქვენს გვერდით”, – განაცხადა თბილისის მერმა.
