“დღეს პატივს მივაგებთ შინდისის გმირებს, მათ ხსოვნას. მათი გმირობა არის ნამდვილად გამორჩეული და განსაკუთრებული”, – განაცხადა პრემიერ-მინისტრმა ირაკლი კობახიძემ ჟურნალისტებთან.
„ეს არის ის გმირობა, რომლის მაგალითზეც უნდა იზრდებოდეს თაობები ჩვენს ქვეყანაში და დარწმუნებული ვარ, ეს ასეც იქნება.
მათი გმირობა არის უკვდავი, მათი სულები არის უკვდავი. მინდა, მათ მშობლებს, ოჯახის წევრებს გადავუხადო მადლობა. მათ მშობლებს განსაკუთრებული მადლობა, ასეთი გმირები რომ აჩუქეს ჩვენს ქვეყანას. მათი გმირობა არის და იქნება სამაგალითო ჩვენს ქვეყანაში“, – განაცხადა ირაკლი კობახიძემ.
