ზაზა ლომინაძე: „თუკი საფრანგეთში პოლიციელისთვის მოლოტოვის კოქტეილის სროლა დანაშაულია, საქართველოში რატომ არ უნდა იყოს? ანდა რა არის მიუღებელი იმაში, რომ გვინდა გავიგოთ, ვინ სჩადის ამას და საიდან ფინანსდება? ამიტომ, როცა ევროპა ერთს გვეუბნება და თვითონ სხვას აკეთებს, ეს არის ორმაგი სტანდარტი, რასაც, საბედნიეროდ სულ უფრო ცხადად ხედავენ ჩვენი მოქალაქეებიც“
„თუკი საფრანგეთში პოლიციელისთვის მოლოტოვის კოქტეილის სროლა დანაშაულია, საქართველოში რატომ არ უნდა იყოს? ანდა რა არის მიუღებელი იმაში, რომ გვინდა გავიგოთ, ვინ სჩადის ამას და საიდან ფინანსდება? ამიტომ, როცა ევროპა ერთს გვეუბნება და თვითონ სხვას აკეთებს, ეს არის ორმაგი სტანდარტი, რასაც, საბედნიეროდ სულ უფრო ცხადად ხედავენ ჩვენი მოქალაქეებიც“, ამის შესახებ საპარლამენტო უმრავლესობის წარმომადგენელმა, ზაზა ლომინაძემ ევრობიუროკრატების ორმაგ სტანდარტზე საუბრისას განაცხადა.
„თუკი საფრანგეთში პოლიციელისთვის მოლოტოვის კოქტეილის სროლა დანაშაულია, საქართველოში დანაშაული რატომ არ არის? თუკი ჩვენ გვინდა გავიგოთ, ვინ არის ამის ჩამდენი და რა დაფინანსებას იღებს, რა არის ამაში მიუღებელი? ჩვენ ხომ ისეთს არაფერს ვითხოვთ – ვითხოვთ, წარმოადგინონ ფინანსების დასაბუთება, რადგან თუკი ჩვენი დაფინანსება არის გამჭვირვალე, რატომ არ უნდა იყოს გამჭვირვალე ენჯეოს ფინანსები? არავითარი პრეტენზია არ გვაქვს – ჰქონდეთ ფული, ოღონდ გვითხრან, რას ახმარენ მას: ჩვენი ქვეყნის განვითარებას თუ ჩვენი ქვეყნის დაქცევას? ჩვენი ქვეყნის დაქცევა რომ უნდათ, ამიტომაც გვაქვს ახლა შეტანილი სარჩელი საკონსტიტუციო სასამართლოში ხუთი პარტიის აკრძალვაზე.
ამიტომ, ევროპა როცა ჩვენ გვეუბნება ერთს და თვითონ აკეთებს მეორეს, ეს არის სწორედ ორმაგი სტანდარტი და ამას დღითიდღე სულ უფრო კარგად ხედავენ ჩვენი მოქალაქეები. გვეუბნებიან კიდეც: აი, თურმე რა მართლები იყავით და როგორი სწორი ნაბიჯები გადადგითო. ვისაც ჯერ კიდევ არ ესმით, ისინიც მალე გაიგებენ, თუ რას ვუნარჩუნებთ ჩვენ ჩვენს ქვეყანას და რა საშიშროებები ავარიდეთ მას“, – განაცხადა ზაზა ლომინაძემ.
