საქართველოში გლოვის დღეა
ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში გლოვის დღედ გამოცხადდა.
მთავრობის განკარგულებით, გლოვის დღესთან დაკავშირებით, სახელმწიფო დროშები საქართველოს ტერიტორიაზე ყველა ადმინისტრაციულ შენობაზე და საზღვარგარეთ საქართველოს დიპლომატიურ წარმომადგენლობებზე დაშვებულია. მათ შორის, თბილისის მუნიციპალიტეტის მერიისა და გამგეობების ყველა ადმინისტრაციულ შენობაზე, საქართველოს პრეზიდენტის სასახლეზე, საქართველოს პარლამენტის სასახლეზე, სახელმწიფო უსაფრთხოების სამსახურის ადმინისტრაციულ შენობებზე, თბილისის საკრებულოს შენობაზე, შსს-ს ყველა ადმინისტრაციულ შენობასა და იუსტიციის სამინისტროს ყველა ადმინისტრაციულ შენობასა და თავდაცვის სამინისტროში და თავდაცვის ძალების სამხედრო ბაზებზე.
19 ნოემბერს, ქვემო ფონიჭალაში, საცხოვრებელ კორპუსში მომხდარ აფეთქებას, 6 ადამიანის სიცოცხლე ემსხვერპლა. კორპუსის მეხუთე სართულზე მცხოვრები შშმ პირი ჰყვება, რომ ღამით ცდილობდა ბუნებრივი აირის ჩართვას, თუმცა ვერ შეძლო და სავარაუდოდ, მილი ღია დატოვა.
მაშველებმა ნანგრევებიდან უვნებლად ამოიყვანეს 3 წლის გოგონა.


