სომხეთსა და ევროკავშირს შორის პარტნიორობის გაღრმავებაზე: „ევროკავშირისკენ სვლა მათი სუვერენული არჩევანია და წარმატებას ვუსურვებ, მაგრამ ძალიან მნიშვნელოვანია კითხვა — ვინ გეპატიჟება დღეს ევროკავშირში და რამდენად სანდოა ის ძალა?“

„ევროკავშირისკენ სვლა მათი სუვერენული არჩევანია და წარმატებას ვუსურვებ, მაგრამ ძალიან მნიშვნელოვანია კითხვა — ვინ გეპატიჟება დღეს ევროკავშირში და რამდენად სანდოა ის ძალა?“ – ამის შესახებ „ხალხის ძალის“ წევრმა, თამარ ჩიბურდანიძემ სომხეთსა და ევროკავშირს შორის პარტნიორობის გაღრმავების პროცესზე საუბრისას განაცხადა.

„დასავლეთმა სომხეთში სახიფათო პოლიტიკური თამაშები დაიწყო, რაც ძალიან დამაფიქრებელია თავად სომეხი ხალხისთვის, რადგან მათ ჩვენი გამოცდილებიდან ძალიან დიდი მაგალითი აქვთ. ჭკვიანი საზოგადოება ამ გამოცდილებას უნდა ითვალისწინებდეს და ასეთ თამაშებში არ უნდა ერთვებოდეს. 

მე არ ვამბობ, რომ ევროკავშირისკენ არ უნდა მიისწრაფოდნენ, მაგრამ საკითხავია, რამდენად სანდოა დღევანდელი ბრიუსელის პოლიტიკური ხელმძღვანელობა, რომ სომეხი ხალხი მას ენდოს — იმ ფონზე, როცა უკრაინას გაწევრიანებას დაჰპირდნენ, მწარედ მოატყუეს და დღეს საუბრობენ იმაზე, რომ თურმე უკრაინის გაწევრიანება ევროკავშირში ნაადრევი იყო.

საბოლოოდ, ეთამაშნენ ამ ქვეყანას, გაანადგურეს, გააუბედურეს და ახლა თავადაც ვეღარ ასრულებენ თავიანთ დაწყებულ სახიფათო თამაშებს. ასეთ პირობებში ჩნდება კითხვა — როგორ უნდა ენდოს სომეხი ხალხი დღევანდელ ბრიუსელს და ევროკავშირის ლიდერშიპს? ჩემი აზრით, ეს სომეხი ხალხისთვის სერიოზული შეცდომა.

ჩემი შეფასებით, სომხეთთან „თამაშის“ ერთ-ერთი მიზანი შესაძლოა ისევ და ისევ ქართველი ხალხის გაღიზიანება იყოს — თითქოს საქართველოს ევროკავშირში ინტეგრაციის შანსი ბიძინა ივანიშვილმა და მისმა გუნდმა დააკარგინა და ამ დროს სომხეთი დაჩქარებული წესით მიიწევს ევროკავშირისკენ.

მინდა მჯეროდეს, რომ სომეხი ხალხი ამას სწორად აფასებს. ევროკავშირისკენ სვლა მათი სუვერენული არჩევანია და წარმატებას ვუსურვებ, მაგრამ ძალიან მნიშვნელოვანია კითხვა — ვინ გეპატიჟება დღეს ევროკავშირში და რამდენად სანდოა ის ძალა, რომელსაც ენდობი?“ – განაცხადა თამარ ჩიბურდანიძემ.